🥪 إيه علاقة صناعة البرمجيات وساندوتش الكبدة الاسكندراني؟
🥪 إيه علاقة صناعة البرمجيات وساندوتش الكبدة الاسكندراني؟
شاهد الفيديو
تعالى احكيلك القصة مستوحاه من قصة برجر السناجب و الصور اتولدت بنموذج Google - Nano Banana
التعريف بإبراهيم
دة ابراهيم،ابراهيم صنايعي سندوتشات كبدة قد الدنيا 💪 ابراهيم شغال في مطعم سندوتشات كبدة اسكندراني في بحري و على الله حكايته 🤷
الطلب البسيط
في ليلة و الوقت متأخر و ابراهيم خلاص بيقفل الشغل جه راجل عجوز … و شكله على قد حاله وطلع من جيبه كام جنيه فكة
و قال لابراهيم: "انا عايز سندوتش كبدة و معييش غير دوول"
مأزق إبراهيم
إبراهيم جدع وعايز يساعد الراجل العجوز بس الفكة اللي معاه ما تجيبش غير عيش حاف و في نفس الوقت ابراهيم امين و بيراعي حق صاحب المحل و مينفعش يطلع من بضاعة المحل بمزاجة
الحيلة المدمّرة
ابراهيم افتكر أن فيه حتة كبدة بايظة في الثلاجة كان حيرميها فابتسم و اخد الفكة من الراجل العجوز و قالة: حاضر يا بابا .. هعملك الي انت عاوزه و من غير ما الراجل ياخد باله، ابراهيم جاب حتة الكبدة البايظة من التلاجة و قطعها و حبشها و بعدين سواها على النار و حشي بيها سندوتش
السعادة المؤقتة
ابراهيم ادى الراجل السندوتش و الراجل فرح و قاله: "ربنا يكرمك يا ابني" إبراهيم كان مبسوط انه قدر يساعد و قدر يعمل سندوتش كبدة بتمن العيش الحاف و بكدة الراجل العجوز اكل .. ،من غير ما ابراهيم ياخد من البضاعة حاجة
العاقبة المريرة
بعديها بكام يوم، البوليس طب على المحل و عايزين يقبضوا علي ابراهيم
اتضح بعد كده ان الراجل العجوز … محجوز في المستشفى لأنه تسمم بعد ما كل سندوتش الكبدة و كان حيروح فيها
الدرس من القصة 💡
فكر كده: لو مديرك 👨💼 جالك و طالب تاسك 💻 و انت عارف انها هتاخد ٨ أسابيع مستريح 🗓️ و لو ضاغط نفسك مش حتخلص أبدا قبل ٦ أسابيع ⏳ لقيته بيقولك: انا عايزك تخلصها في ٤ أسابيع بس ⚡ هتتصرف ازاي؟؟؟ 🤔
مش هتكتب كود نظيف 🧹 ولا تعمل ريفاكتور 🛠️ مش حتبص علي الـedge cases 🚧 أصلا و طبعا مش هتكتب tests 🧪‼️
احب اقولك 😏 … انت عملت كدة زي ابراهيم بالظبط 👨🍳🥪 و اديت لمديرك سندوتش الكبدة 🥪🤢
عارف هيحصل ايه؟ 😮
هيحصل حاجة من اتنين:
- يا اما النظام/التطبيق 💻💥 يضرب بسبب كميةالسندوتشات البايظة 🤯
- يا اما هتعدي علي مديرك 👨💼 و تضرب في وش عملاء الشركة 👥😡
و انت و مديرك تزعلوا 😔
و ليك في مشروع فينكس 🐦🔥العبرة
الحل العملي ✅
⚠️ زي ما شوفت: ماينفعش نقلل الجودة تحت أي ضغط 🚫
لو كان فيه ضغط:
- ✅ اتفاوض على السكوب 🗂️
- ✅ قسم الطلبات 📝 و حط أولويات 🔝 و خلص المهم فالأقل أهمية 🎯
اشتغل بالـScrum framework 📊
السكروم بيضمن ان الفريق 👨💻👩💻 مركز على هدف مشترك 🎯 لمدة محددة ⏰
و ان انتاجية الفريق بتزيد مع الوقت 📈
الخلاصة 📝
خليك مبرمج براجماتي 🧑💻
واعرف اكتر عن البراجماتية في البرمجة من هنا
و شوف حكايتين:
- النوافذ المكسورة 🪟💔
- شوربة الضفادع 🐸🍲
اللي بيتكلموا عن أهمية الجودة في صناعة البرمجيات 🏗️💡
🚫 و اوعي تعمل سندوتش الكبدة البايظة تاني 🥪🤢❌